УЈИЕ ја зајакнува врската меѓу образованието и пазарот на трудот преку проектот ChallengeEU и платформата M.A.R.K.E.T.

Настанот имаше за цел поттикнување на соработката меѓу универзитетите, бизнисите, јавните институции и граѓанското општество, според четиристраниот модел на хеликсот.

Отворајќи ја трибината, ректорот на УЈИЕ, проф. д-р Садудин Ибраими, истакна дека Универзитетот останува посветен на создавање конкретни можности за студентите и своите партнери преку иновативни и соработувачки платформи.

Потоа, акад. проф. д-р Абдилменаф Беџети одржа мотивациски говор, во кој рефлектираше за улогата на четиристраниот модел на хеликсот во зајакнувањето на врските меѓу образованието, индустријата, владата и заедницата.

Проф. д-р Вели Кречи го претстави проектот ChallengeEU, додека Шпреса Аљија зборуваше за својата улога како офицерка на M.A.R.K.E.T..
Хамит Камбери ја претстави Дигиталната централа M.A.R.K.E.T., објаснувајќи ги нејзините функции и можностите што ги нуди за партнерите.

На крајот, учесниците присуствуваа на отворена дискусија и коктел за вмрежување, каде што беа разменети идеи и предлози за понатамошна соработка.

На трибината учествуваа претставници на компаниите партнери и засегнати страни.

M.A.R.K.E.T. (Mapping, Awareness Raising, Knowledge Exchange, and Training) е дигитален центар и платформа за соработка создадена од УЈИЕ во рамките на проектот ChallengeEU, која има за цел да го поврзе универзитетот со бизнисите, јавните институции и граѓанското општество.