Студиска посета на претставници и студенти од Универзитетот за применети науки во Урошевац на Универзитетот на Југоисточна Европа

Делегацијата на УПНУ, предводена од проректорката за иновации, технологија и дигитализација, проф. д-р Факие Зејнулаху, беше примена од претставници на раководниот кадар на УЈИЕ, во состав: проф. д-р Садудин Ибраими – проректор за планирање и претприемништво, проректорката за меѓународна соработка и истражување, проф. д-р Беса Арифи, советникот за академско планирање и дигитализација, проф. д-р Флорије Исмаили, в.д. деканот на Факултетот за технички науки, доц. м-р Ракиб Амдиу и проф. д-р Ментор Хамити,

Во текот на средбата, која се одржа во просторите на „Accelerator 700“, беа разменети идеи и искуства за академските практики и можностите за продлабочување на соработката меѓу двете институции. Понатаму, делегацијата имаше можност да ги посети универзитетските објекти, вклучувајќи ги лабораториите за компјутерски науки, лабораторијата за виртуелна реалност (VR Lab) и модерната библиотека на универзитетот.

Оваа посета ги зајакнува меѓу институционалните врски и обезбедува важна платформа за размена на знаења и искуства меѓу студентите и академскиот кадар.

Универзитетот на Југоисточна Европа е отворен центар за академска соработка и поддршка на иницијативи што придонесуваат за квалитативна подготовка на нов кадар.