Проф. д-р Селајдин Абдули e избран за нов претседател на Сенатот на Универзитетот на Југоисточна Европа

Тој доби мнозинство гласови од членовите на Сенатот, стекнувајќи ја нивната доверба за да го води Сенатот во едногодишен мандат.

Проф. д-р Селајдин Абдули е професор на Факултетот за бизнис и економија и има богато академско и менаџерско искуство за оваа позиција. Тој го заменува проф. д-р Ментор Хамити, кој успешно го водеше Сенатот два последователни мандати.

По изборот, проф. Абдули изрази благодарност за укажаната доверба и се обврза на континуирана посветеност за унапредување на мисијата на Универзитетот.