Успешно заврши меѓународната конференција на ЈИЕУ посветена на изучувањето на англискиот јазик

Имаше презентери од далечни краишта како Соединетите Држави, Нов Зеланд, Ирска и Канарските острови, како и преку 120 регистрирани учесници од универзитети и јазични училишта од многу европски земји. Организаторите на конференцијата беа особено задоволни што им овозможија на презентерите и на учесниците посета на конференцијата без плаќање на задолжителна котизација.

Конференцијата беше свечено отворена на 9ти април. Поздравни говори на оваа инаугурална церемонија имаа проректорот за академски прашања, проф. д-р. Замир Дика, деканот на Факултетот за јазици, култура и комуникации, проф. д-р. Веби Беџети и аташето за култура и образование при амбасадата на САД во Скопје, г-дин Џон Серфис.

Од предавање до учење имаше привилегија да презентира тројца меѓународни експерти како пленарни говорници. Д-р. Лорна Карсон (Тринити Колеџ, Даблин, Ирска) зборуваше на отварањето на тема: Автономијата на ученикот по јазик: мит, магија или чудо? Проф. Д-р. Гертруда Хавранек (од универзитетот Алпен-Адриа, Австрија) презентираше на тема, Улогата на корективната повратна информација во изучувањето на странскиот јазик. Третата пленарна презентација беше од наша поранешна Фулбрајт колешка, д-р Џуди Ричардсон (Вирџинија Комонвелт Универзитет , САД) на тема: Подредување на лектирите по англиски спрема соодветните текстови: теории, стратегии и пристапи за успех на студентите.

Беа претставени академски трудови, како и работилници на разновидни теми од областа на изучувањето на англискиот јазик: од традиционални прашања во врска со методологија и синтакса до најсовремени теми на користење на технологија при учењето. Презентираните трудови на конференцијата ќе бидат објавени во текот на летото.

Конференцијата беше поддржана од страна на ректорот Алајдин Абази и раководството на универзитетот, Британскиот совет и Амбасадата на САД во Македонија. Академскиот одбор на конференцијата е особено почестен со ваквата поддршка.

Овој заеднички проект на Јазичниот центар, Факултетот за Јазици, култура и комуникации и Катедрата за англиски јазик уште еднаш ја потврди посветеноста на ЈИЕУ кон придонесот за постигнување на извонредност во областа на истражувањето, педагогијата и образованието во меѓународни рамки и го истакна значењето на Тетово во рамките на балканските академски кругови.