Постмортем промоција на универзитетската книга на професорката Емине Зендели

На промоцијата на книгата, рецензентите проф. д-р Аднан Јашари и проф. д-р Сами Мемети, покрај вреднувањето на научниот труд за присутните евоцираа и моменти од работата со покојната професорка Емине Зендели.

Уредникот на книгата, проф. Арта Бакиу со емоции истакна дека објавувањето на оваа книга било сон на проф. Емине Зендели и дека денес овој сон стана реалност за сите нас.

Книгата е одобрена како универзитетски текст со одлука на Наставно-научниот совет на Правниот факултет, а издавач е Универзитетот на Југоисточна Европа.

Овој текст содржи детално истражување за еден важен институт за имотно право, поточно за правото на сопственост, но од друга димензија и од друга гледна точка.

Се очекува книгата да послужи како универзитетски текст за студентите по право на додипломски, постдипломски и докторски студии, како и за правниците.