Explore Campus 360°
Во воведниот говор, деканот на Факултетот за бизнис и економија, проф. д-р Хирије Абази-Алили, рече дека книгите се додадена вредност и мора да бидат дел од сечии библиотеки, особено на оние кои учат во соодветните области.
Како рецензент на книгата „Консолидација и одржливост на пензискиот систем на Република Северна Македонија: компаративен аналитички пристап“ од авторот доц. д-р Шпреса Алија, ректорот акад. проф. д-р Абдулменаф Беџети рече дека професорката Шпреса дебитира во многу важна област како што е пензискиот систем.
„Книгата има разбирлива структура и е достапна не само за економистите, туку и за сите други бидејќи опфаќа цел систем, кој на некаков начин им припаѓа на сите“, рече меѓу другото ректорот Беџети.
Своја благодарност за книгата изрази и вториот рецензент, Дрита Конџели Радониќи, која го истакна придонесот на книгата во периодичните прогнози и нејзиното влијание во областа на пензискиот систем, особено во компаративен аспект.
Авторот на книгата доц. д-р Шпреса Алија им се заблагодари на своето семејство за поддршката, на нејзиниот ментор академик Беџети и на сите кои придонеле за објавувањето на книгата.
„Оваа тема ми го привлече вниманието за потребата од консолидирање на пензискиот систем бидејќи пензиите не се вообичаено прашање и тие имаат предности, но и недостатоци, кои се опишани во оваа книга“, рече авторот на книгата, доц. д-р Шпреса Алија.
Промоцијата на книгата „Економско-политичка мисла во уникатен формат 2011-2023“ од авторот акад. проф. д-р Абдулменаф Беџети ја отвори издавачот, проф. д-р Илбер Села, директор на Институтот за политички и меѓународни студии.
„Авторот на книгата, академик Абдулменаф Беџети, е познато име од областа на економијата, а објавувањето на оваа книга претставува дополнителна вредност за неговото мислење за економските и политичките настани во периодот опишан во книгата“рече проф. Села. Тој предложи книгата да се преведе на англиски и на македонски јазик.
Рецензентот на книгата, проф. д-р Исмет Османи зборуваше за структурата на книгата, која не е посветена само на економистите, бидејќи опфаќа многу аспекти и опишува сложен период на економски и политички случувања.
Проф. д-р Али Пајазити како рецензент на книгата рече дека развил интензивна комуникација со авторот на книгата, кој секогаш бил подготвен и доброволно ги разгледувал социолошките аспекти и мислата изразени во книгата.
Авторот на книгата акад. проф. д-р Абдулменаф Беџети им се заблагодари на блиските соработници кои придонеле за издавањето на книгата, како и на неговото семејство кое како и секогаш до сега му пружило максимална поддршка.
„Неслучајно рецензентите на книгата не се економисти, бидејќи сакав книгата да се гледа од повеќе димензии и не само од економски аспект, туку и од социолошки, политички аспекти пошироко“, рече авторот и ректор на УЈИЕ, акад . проф. д-р Абдулменаф Беџети.