Ректорот Абдулменаф Беџети заедно со директорот на ИМВДШ, Вели Креци и Менан Селим го посетија престижниот Универзитет во Бирмингем

Во овој контекст, ректорот на Универзитетот на Југоисточна Европа, акад. проф. д-р Абдулменаф Беџети, заедно со директорот на Институтот „Макс ван дер Штул“ (ИМВДШ), проф. д-р Вели Креци и д-р Менан Селими, виш научен соработник, во средата и четвртокот (24. и 25. мај) остварија посета за соработка во Универзитетот во Бирмингем.

Целта на посетата е да се продлабочи соработката во областа на животната средина (како што е загадувањето на воздухот во Тетово) и да се подигнат истражувачките и академските капацитети во оваа област.

За време на посетата, делегацијата на УЈИЕ оствари средби со значајни претставници на Универзитетот во Бирмингем, како што се: директорот на Канцеларијата за меѓународна соработка, д-р Алан Мекинли, со директорот за постдокторски истражувања на Катедрата за политички науки и меѓународни студии, проф. Питер Кер, со директорот на Институтот за глобални иновации, проф. Џонатан Редклиф и други претставници на Универзитетот во Бирмингем.

УЈИЕ и Универзитетот во Бирмингем ги испитуваат можностите за развој на соработка и во други области, како што се креирање докторски студии и создавање заеднички истражувачки групи во оваа интердисциплинарна и сеопфатна област не само во земјава, туку и во регионов.

За време на посетата, на делегацијата од УЈИЕ и се придружи магистрандката Лејла Адеми, која е испратена од УЈИЕ на интензивно студирање на едногодишна програма и има добиено студентска стипендија од Универзитетот во Бирмингем, наменета исклучиво за Универзитетот на Југоисточна Европа.

Универзитетот во Бирмингем е рангиран меѓу врвните 5 најдобри универзитети во Велика Британија.