COVID-19 Information and Protocol

Login

Членовите на универзитетскиот кадар треба да ја употребат нивната Webmail сметка за да се најават на системот.

Универзитет на Југоисточна Европа
оживеј го знаењето!

Ректорот Беџети учествуваше на 13. Меѓународен симпозиум за здравствени науки во Приштина

Ректорот на Универзитетот на Југоисточна Европа, акад. проф. д-р Абдулменаф Беџети учествуваше на 13. Меѓународен симпозиум за здравствени науки, кој се одржа во петокот (17.09.2022 година) во Приштина, во организација на Институтот за социјална политика на Југоисточна Европа во соработка со Колеџот Хајмерер. Главната тема на симпозиумот беше: „Иновациите и технологијата во здравствените науки“, а учествуваа претставници и истражувачи од интердисциплинарните области на здравствените и општествените науки од десетици западноевропски земји, САД и Бразил.

Во својот поздравен говор, ректорот Беџети, освен што информираше за формирањето на новиот факултет за здравствени науки во УЈИЕ, ја афирмираше и големата потреба на пазарот на трудот во согласност со побарувачката и понудата. Воедно, тој ја истакна и потребата од регионална соработка на здравствените и универзитетските институции за дизајнирање и генерирање на апликативни проекти од сферата на здравството и социјалната заштита, за што се достапни европски фондови.

Ректорот Беџети ја искористи можноста и за билатерални средби со голем број истражувачи и раководители на научни проекти од оваа област со интердисциплинарен карактер на здравствените институти и факултети од Западна Европа, особено со оние од скандинавските земји, кои се модели за успех во ова поле.

Ректорот Беџети одржа специјална работна средба со претседателот на Колеџот Хајмерер, проф. Петрит Беќири и ректорот проф. Наиме Брајшори, УЈИЕ има конкретен договор за соработка во областа на здравствените науки со овој Колеџ.

Google+