COVID-19 Information and Protocol

Login

Членовите на универзитетскиот кадар треба да ја употребат нивната Webmail сметка за да се најават на системот.

Универзитет на Југоисточна Европа
оживеј го знаењето!

Средба со поранешните студенти по повод 20. годишнината на Универзитетот

Прославата на 20.годишнината од основањето на УЈИЕ беше поводот што ги собра на едно место поранешните студенти –алумни од сите генерации, во вторник (16.11.2021 год.), на Универзитетот на Југоисточна Европа.

На оваа средба, алумните имаа можност да се сретнат со професори, декани, раководниот кадар на Универзитетот и директно да добијат информации за достигнувањата, предизвиците и плановите за иднината. Ректорот на Универзитетот на Југоисточна Европа, акад. проф. д-р Абдулменаф Беџети, во својот воведен говор пред алумните ја промовираше Универзитетската монографија за овие 20 години развој.

„Дваесетгодишнината е посебна јубилејна прослава, бидејќи денес имаме посебни резултати да споделиме со вас. Имаме алумни распространети насекаде, не само во земјава и регионов, туку и во целиот свет. Вие имате директно влијание врз градењето добрата репутација на Универзитетот, без разлика дали е научна, академска или професионална, затоа е важно да знаете во која насока оди вашата Алма Матер институција“, рече ректорот акад. д-р Абдулменаф Беџети.

Во името на алумните од соодветните факултети за нивното искуство во УЈИЕ и влијанието што УЈИЕ го има врз нивните кариери, зборуваа: Пранвера Касами (Факултет за современи општествени науки), Семра Рамадани (Правен факултет), Вјоса Исмаили (Факултет за јазици, култури и комуникација), Лутви Адеми (Факултет за бизнис и економија) и Тамара Стојчевска (Факултет за современи науки и технологии).

Google+