COVID-19 Information and Protocol

Login

Членовите на универзитетскиот кадар треба да ја употребат нивната Webmail сметка за да се најават на системот.

Универзитет на Југоисточна Европа
оживеј го знаењето!

УЈИЕ ќе го прошири шумскиот појас и зеленилото во Кампусот во Тетово

Ректорот на Универзитетот на Југоисточна Европа, акад. проф. д-р Абдулменаф Беџети, денеска (30. април 2021 година), оствари средба со министерот за Земјоделство, шумарство и водостопанство, Арјанит Хоџа и неговите соработници.

Целта на средбата беше да се разгледа можноста за меѓусебна соработка и постигнување партнерство во развојот и проширувањето на шумскиот појас и на зеленилото во Кампусот со придобивка и за пошироката заедница.

Ректорот Беџети, зборуваше за мерките кои ги превзема Универзитетот во насока на зачувување на животната средина, постигнување на целта за нула емисија на јаглерод и други активности, кои не се само во корист на студентите туку и за заедницата.

„Ние ја развиваме идејата за зеленило во Кампусот со оптимални чекори, истовремено одржувајќи ја и позицијата лидер во сите овие аспекти од животната средина, каде придобивката е сеопфатна, првично за здравјето на заедницата со нашиот придонес и со нашата цел да емитуваме нула СО2.“ рече Ректорот Беџети.

Министерот Хоџа, ја нагласи важноста на соработката на министерството кој тој го води и образовните институции, посебно со Универзитетот на Југоисточна Европа.

На крај на средбата, на министерот Хоџа му беше доставено барањето и елаборатот на идејниот проект во кој се предвидува и уредување на велосипедска и пешачка патека долж целиот Кампус.

Кампусот на УЈИЕ како целина зафаќа површина од 200.000 квадратни метри, од кои 95 000 квадратни метри се зелено и одржувано земјиште.

Google+