Универзитетот го одбележи 28 Ноември - Денот на албанското знаме

Во оваа прилика, потсетувајќи се на славното минато на националната историја, беше речено дека  Денот 28 Ноември 1912 година е ден кога истакнатиот дипломат Исмаил Ќемали, заедно со делегатите од различни албански територии, го истакна националното знаме во Валона. "Овој настан претставува последна фаза на Албанската национална ренесанса, која се совпаѓа и со прогласувањето на независноста на Албанија, но исто така се повеќе сведочејќи за развојот на националната политичка свест на целиот албански народ, без регионални разлики, рекоа говорниците. Тие, подвлекоа дека политичкитe збиднувања не се појавиле секаде во исти периоди, бидејќи истите беа условени од околностите на времето.

Во оваа академија посветена на Денот на знамето, Демуш Бајрами прочита  стихови од авторите на албанската ренесанса. Според него, овие пораки се актуелни и денес. На крајот, Мухарем Етеми, рецитираше песна, посветена на паднатите борци за правата на Албанците.

Исто така, вреди да се спомене дека, неколку дена порано, од Факултетот за јазици, култури и комуникации на Универзитетот на ЈИЕ се одбележа 101-годишнината од Битолскиот Конгрес на албанската азбука.