Explore Campus 360°
Обуката имаше за цел ревидирање на тековните трендови на Универзитетот со цел да се одржат и развијат стандардите во областа на предавањето, административните услуги и грижата за студентите. Членовите на раководството на УЈИЕ, професорите и одговорните на администрацијата ги презентираа своите пристапи за подобрување на квалитетот преку дефинирање стандарди за академска и административна изведба. Вработените работеа во групи и ги дискутираа прифатливите стандарди базирани на инструментите за обезбедување квалитет и за чекорите кои треба да се преземат во оваа насока.
Некои од темите кои се обработуваа беа: Агенда за истражување: како да се подобрат истражувачките активности , презентација и дискусија; Промовирање на практичната примена на знаења за подобра подготовка за пазарот на трудот; Креирање на резултатите од учењето за стажирање по студиски програми – со обезбеден формулар; Мотивирање на студентите за присуство на час –стратегии, методи, техники; Односот меѓу докторандите и менторството – како да се постигне извонредност; Главен тест од областа на компјутерски науки: Детална алатка за оценување на резултатите на додипломски студии дизајнирана за мерење на критичкото знаење и разбирање добиено од студентите на програмата за компјутерски науки; Правилник за третиот циклус на студии итн.
Ректорот, проф. д-р Замир Дика во неговата презентација ја истакна важноста од достигнувањето на целите наведени во Стратегискиот план 2018-2020, кое има за цел регионално и меѓународно профилирање на Универзитетот и неговата специфичност како различен модел на високо образование во Македонија.
„Има различни тенденции во развојот на високото образование и во оваа насока во развојот на универзитетите , но ние мора да се развиваме , да бидеме одржливи и истовремено да имаме квалитет во предавањето и во образованието“ рече ректорот Дика.
Според него, технологијата се развива со големи чекори и ние сме сега на прагот на нов пристап, кој ги менува не само економските трендови туку и начинот на живот. Ние сме на прагот на технолошката револуција.
„Нашиот универзитет прави конкретни чекори да биде во хармонија со овие трендови и подготвен да ги достигне своите цели и мисијата“, истакна Дика.
Извршниот советник за квалитет, проф. д-р Вероника Карева и Канцеларијата за квалитет на УЈИЕ се погрижија за доброто изведување на обуката. Темите на обуката произлегуваат од процедурите за само-оценување, кои се завршуваат секоја година од сите вработени. Ова е шести пат како вработените на Универзитетот на Југоисточна Европа организираат заеднички обуки надвор од Кампусот на Универзитетот.