Со искачување на врвот „Кораб“ започнаа активностите за одбележување на 15-годишнината од основањето на УЈИЕ

5 октомври 2016

Пред неколку дена членовите на здружението на планинари на УЈИЕ се искачија на врвот „Кораб“ како дел од активностите за одбележување на 15-годишнината од основањето на УЈИЕ. „Кораб“ е еден од највисоките планински врвови во Источна Европа со надморска височина од 2764 м и се протега на границата меѓу Македонија и Албанија. Членовите на здружението на планинари на УЈИЕ, придружувани и од ректорот проф. д-р Замир Дика, ја пренесоа симболиката на овој јубилеј со поставување на знамето на Универзитетот на самиот врв.

Вреди да се спомене дека Универзитетот на Југоисточна Европа во Тетово започна со работа на 20 ноември 2001 година, иако историјата датира од порано – кога комесарот на ОБСЕ, неговата екселенција Макс ван дер Штул ја иницираше потребата од користењето на албанскиот јазик во високото образование во Република Македонија.

Изградбата на Универзитетот беше финансиски поддржана од меѓународни донатори како САД, земјите од ЕУ, Советот на Европа и земјите на ОБСЕ.

Врз основа на образовниот систем на Европскиот високообразовен простор (Болоњскиот систем), УЈИЕ го следи моделот на стандардизирани студии на неколку нивоа: прв, втор и трет циклус (3+2+3).

Online услуги

Со искачување на врвот „Кораб“ започнаа активностите за одбележување на 15-годишнината од основањето на УЈИЕ

Повеќе вести