Explore Campus 360°
Делегацијата ја пречека ректорот на Универзитетот проф. д-р Замир Дика, Проректорот за академски прашања, проф. д-р Лејла Абази и советникот на ректорот, Демуш Бајрами. Ректорот Дика во оваа прилика ги информираше членовите на собранието за академските и за истражувачките активности на УЈИЕ за 15 години на постоење.
„ Напорите на Универзитетот на Југоисточна Европа, особено на Одборот на Универзитетот се насочени кон осигурување меѓународни стандарди за квалитет на Универзитетот. Покрај локалниот и меѓународниот кадар, добредојдена е и поддршката од кадарот од меѓународните партнерски универзитети кои не водат во дизајнирањето студиски програми и ја одржуваат рамнотежата меѓу знаењето, вештините и компетенциите со цел нашите студиски програми да бидат на исто ниво како нивните“ рече ректорот. Тој продолжи забележувајќи дека продолжува битката за управување базирано на различност на културите и трендовите за мерење на изведбата и мониторинг. „ Академскиот и административниот кадар на универзитетот со посветеност и компетенции ги подготвуваат студентите со вештини релевантни за пазарот на трудот, образувајќи млади генерации кои имаат само-доверба, кои се храбри да се соочат со предизвиците, креативни но истовремено и отворени кон разликите и рефлективни и позитивни за очекуваните промени“ забележа тој.
Членовите на парламентарната комисија за образование на Косово беа задоволни од достигнувањата на Универзитетот на Југоисточна Европа и изразија подготвеност за продлабочување на соработката помеѓу високообразовните институции во Косово и УЈИЕ.