Претседателот на Одборот на Универзитетот, проф д-р Денис Фарингтон, ја посети Ерменија

Од 27 јуни до 02 јули, претседателот на Одборот на Универзитетот, проф. д-р Денис Фарингтон, ја посети Ерменија и го продолжи своето учество на три проекта: прво Проектот на Советот на Европа: „Зајакнување на интегритетот и борба против корупцијата во високото образование во Ерменија“; второ проектот на Советот на Европа: „Законодавството за високото образование во Ерменија“ и трето: твининг-проектот на ЕУ и Ерменија: „Зајакнување на терцијарното образование во Ерменија за интеграција во европското високо образование". Последниот проект, раководен од фински и германски експерти, беше на покана од ДААД (Германска служба за академска размена). Во текот на посетата во Ерменија, како претставник на Советот на Европа, проф. д-р Фарингтон го заврши извештајот за етички кодекси, кој лично го претстави пред министерот за образование и наука на Ерменија, г. Левон. Потоа се одржа и конференција за печат. Д-р Фарингтон претседаваше и со работната група каде што се дискутираше за последниот предлог на новиот Закон за високо образование. Присутни беа и амбасадорите на ЕУ, Финска и на Германија. Продолжува работата за реформите во Законот за високото образование.