Се потпиша меморандум за соработка помеѓу Универзитетот на Југоисточна Европа и Универзитетот во Митровица „Иса Болетини“

Универзитетот на Југоисточна Европа и Универзитетот во Митровица „Иса Болетини“ ќе соработуваат во областа на научното истражување, создавање заеднички работни групи од кои се очекуваат конкретни резултати . Ова е еден сегмент од договорот за соработка кој се потпиша во среда (10. декември 2014) од ректорот на УЈИЕ, проф. д-р Замир Дика и ректорот на Универзитетот во Митровица, вон.проф.д-р Алуш Мусај.

„ Нашиот универзитет има многу области во кои може да пренесе искуство и експертиза и од друга страна, Универзитетот во Митровица иако релативно нов има долго искуство и е специјализиран во инженерство затоа што тие постоеја како дисперзиран факултет на Универзитетот во Приштина“ рече ректорот Дика.

„ Ние го сметаме УЈИЕ за реномиран и искусен универзитет, но исто и за универзитет кој е многу сличен на нашиот универзитет во однос на профилот на факултетите и во однос на областите на истражување. Поради тоа потпишувањето на договорот го сметаме за важен чекор за нашата понатамошна соработка, “ рече ректорот на Универзитетот во Митровица „ Иса Болетини“, проф. Мусај.