Дипломтска делегација од земјите од Бенелукс го посети Универзитетот на Југоисточна Европа

Делегацијата се состоеше од преставници – на ниво на политички директори – од министерствата за надворешни работи на Холандија, Белгија и Луксембург, придружувани од амбасадорот на Холандија во Македонија, Мариет Шурман и Белгискиот амбасадор кој престојува во Софија и е акредитиран и за Македонија ,Аник Ван Клстер.

Дипломатската делегација од земјите од Бенелукс се сретна со проректорот за истражување и за меѓународни односи, проф.д-р Блерим Река, проректорот за академски работи проф.д-р Ендру Гудспид и проректорот за претприемништво проф.д-р Мирољуб Шукаров.

Во текот на состанокот проректорот Река ги информираше дипломатите за мисијата, тековните трендови и за визијата на Универзитетот на Југоисточна Европа. „Нашиот Универзитет е најголемиот меѓународен проект кој е сеуште функционален во Македонија. Тоа е пример на мултиетничка образовна институција, “ оцени проректорот Река.

Проректорот Гудспид ги информираше Европските дипломати за академските програми на Универзитетот, за бројот на студенти и за квалитетот на наставата.

Проректорот Шукаров ја истакна важноста на финансиите во креирање на висококвалитетна наставна средина.

Дипломатите од земјите од Бенелукс реализираат неколкудневна посета на Р.Македонија.