УЈИЕ потпиша Договор за партнерство со деловниот сектор за развој на студиите интегрирани со практика

Следниве компании потпишаа договор : „Даути-Комерц“ , „Принц –Енетрпрајз“ , „Алма-М“, „Везе –Шари“ , „НД –Балкан“, „Ренова“ и „Кораби“. Во понатамошниот период ќе се потпишат договори и за двете други програми – Современ менаџмент на банки и Применета информатика за ИТ компании. Компаниите ќе доделат стипендии за студентите кои ќе бидат избрани да продолжат со студиите на овие програми .

Ректорот на Универзитетот на Југоисточна Европа,проф. д-р Замир Диказборуваше за важноста на студиите интегрирани со практика затоа што преку нив во иднина ќе имаме адекватен кадар за развивање на бизнисите . „ Денешниот настан покажува сериозна соработка која ние ја развиваме со деловниот сектор,преку реализација на конкретни проекти “рече ректорот Дика .

Германскиот експерт ангажиран од Универзитетот на Југоисточна Европа за студиите интегрирани со практика, Норберт Маркс, зборуваше за организацијата на овие студии, за процедурата за упис и за структурата на студиската програма интегрирана со практика: Современ менаџмент на претпријатија.

Потпишувањето на овој договор го поздрави и претседателот на Стопанската комора на Северозападна Македонија, Мендерес Кучи.

„Суштината на овие специфични програми “ е во фактот што наставните материјали се нудат преку практична примена. Процесите за предавање и за учење ќе се развиваат во два дела и поради тоа тие се наречени двојни студии во академската средина, т.e. еден дел ќе се испорачуваат на нашиот универзитет (теоретскиот дел) и другиот дел во компаниите партнери за практика (практичниот дел)“, рече Демуш Бајрами, советник на ректорот и модератор на овој настан.

Студентот Фатих Мичи го презентираше неговото искуство за напредокот во оваа програма и зборуваше за предностите кои се нудат и препорача на другите да се запишат на програмата затоа што вработувањето и професионалниот развој се загарантирани.

Сопствениците и претставниците од компаниите потписници имаа конструктивна дискусија на која тие го презентираа взаемното искуство од ангажирањето на студентите и квалитетот кој тие го покажуваат во текот на практиката и студиите.

Овие програми се развиваат заедно со Германската агенција за деловна соработка во согласност со барањата на Министерството за образование и наука на Република Македонија и ќе се понудат на Факултетот за современи науки и технологии.