Explore Campus 360°
Од 5 до 9 мај, студентите од Правниот факултет на УЈИЕ, под раководство на деканот проф. д-р Исмаил Зејнели, продеканот доц. д-р Јетон Шасивари како и со професорите: проф. д-р Аслан Биљали и проф. д-р Аднан Јашари, придружени од претседателот на Бордот на Универзитетот, проф. д-р Денис Фарингтон, ја реализираа овогодишната студиска посета во Велика Британија. Притоа беа посетени Универзитетот на Оксфорд, каде што беа одблиску запознаени со историјатот, организацијата, дејноста и со предизвиците на оваа високообразовна институција со светско реноме, со посебен осврт на студиските програми и начинот на работа на Правниот факултет.
Во Лондон беа во посета на Кривичниот суд при што студентите и кадарот следеа неколку судски постапки за разни кривични прашања. Притоа имаа можност да се запознаат со начинот на водење и организирање на судските постапки според англо-саксонскиот правен систем. Во Лондон беше посетена и асоцијацијата Мидл темпл (Middle Temple), која има искуство од неколку стотици години во правното образование и во обуката на британските студенти и адвокати со цел постигнување на највисоките професионални стандарди во вршењето на судската и адвокатската професија во Велика Британија. Исто така, имаше посети и на Врховниот суд на Велика Британија во Лондон, при што студентите и кадарот имаа можност да учествуваат на една граѓанска судска парница како и да се запознаат со улогата на овој суд како конечен жалбен суд во Британија за сите кривични и граѓански прашања со посебно јавно и уставно значење за англо-саксонскиот правен систем на Велика Британија.
Студиската посета беше оценета како успешна бидејќи има за цел стекнување и размена на образовните и стручните искуства на студентите и кадарот од Правниот факултет на УЈИЕ.