Explore Campus 360°
„Јас сум почестен што сум тука, на овој Универзитет и што се сретнав со моите колеги“, рече професор Сервет Плумб за време на промоцијата на својата последна книга „Етикокрација, рефлексии од теоријата и практиката на демократијата“, која се одржа во петокот (18.04.2014), во УЈИЕ.
Зборувајќи за книгата, проф. Сервет Плумб рече дека тој не сака многу промоции на книги и поради таа причина само неколку од неговите книги се промовирани во Tирана. Сепак, потребата за соединување на филозофското размислување и за размена на знаењата меѓу интелектуалците, го поттикна да дојде и да ја промовира книгата во Тетово. Тој рече дека во книгата се обрнува внимание на некои етички теми за демократијата и се прави обид да се одговори на прашањето дали има нешто покрај демократијата. Според него ова е новата демократија наспроти земјите со развиена демократија.
„Демократијата мора да биде како симфониски оркестар со добри инструменти, со квалитетни резултати и со добар диригент“, рече проф Плумб.
За книгата свое излагање имаа: Нора Малај, заменик-министер за образование и спорт и заменик-претседател на албанската социолошка асоцијација; Лек Симо, претседател на албанската социолошка асоцијација; проф. д-р Хасан Јашари, проф. д-р Али Пајазити и Ксеанела Сотирофски, декан на Факултетот за образование на Универзитетот Александар Мојсиу – Драч.