Во УЈИЕ се одржа работилницата „Можностите за пристапност на веб и мобилните уреди за слепите лица”

Работилницата претставува дел од активностите од проектот во рамките на почетниот грант од Шведската фондација за меѓународна соработка во областа на истражувањето во високото образование (STINT) и се развива во соработка со универзитетот Линеус од Шведска и од Универзитетот на ЈИЕ преку Факултетот за современи науки и технологии.

Целта на работилницата беше анализа на потребите на слепите лица и лицата со оштетен вид во однос на нивниот пристап до дигиталните информации. Дискусијата се одвиваше во правец на истражувањето на можностите за употреба и адаптација на асистивните технологии базирани на веб и мобилни уреди за да се олесни пристапот за оваа маргинализирана заедница во Македонија и во регионов. Учесниците на оваа работилница беа: Факултетот за современи науки и технологии при ЈИЕ универзитетот, Универзитетот Линеус од Шведска, Државниот Универзитет во Тетово, Универзитетот во Призрен, Школата за слепи лица од Пеќ, Колеџот „Мустафа Кемал Ататурк” од Гостивар како и невладините организации „Open the Windows” и „Handimak”.