Në UEJL u mbajt punëtoria “Mundësi qasjeje të personave të verbër në ueb dhe telefona celular”

Punëtoria është pjesë aktiviteteve të projektit në kuadër të grantit inicues nga Fondacioni Suedez për Bashkëpunim Ndërkombëtar të Hulumtimeve në Arsimin e Lartë (STINT) dhe realizohet në bashkëpunim me Universitetin Linnaeus nga Suedia dhe UEJL-së, nëpërmjet Fakultetit të Shkencave dhe Teknologjive Bashkëkohore.

Qëllimi i punëtorisë ishte mbledhja dhe analiza e kërkesave të personave të verbër dhe me shikim të kufizuar lidhur me mundësinë qasjes së tyre në informacionet digjitale. Diskutimi u zhvillua në drejtim të hulumtimit të mundësive për shfrytëzimin dhe adaptimin e teknologjive ndihmëse të bazuara në ueb dhe pajisje mobile për të lehtësuar qasjen për këtë komunitet të margjinalizuar në Maqedoni dhe rajon. Pjesëmarrës në këtë punëtori ishin: Fakulteti i Shkencave dhe Teknologjive Bashkëkohore i UEJL-së, Universiteti Linneaus nga Suedia, Universiteti Shtetëror i Tetovës, Universiteti i Prizrenit, Shkolla për të Verbër nga Peja, Shkolla “Mustafa Kemal Ataturk” nga Gostivari, si dhe organizatat joqeveritare “Open the Windows” dhe “Handimak”.