Semestri 1

• [BE0101] [6 SETK] Metodologjia e hulumtimit
  Kjo lëndë fokusohet në një spektër të gjerë të metodave të studimit, të cilat mund të shfrytëzohen në kuadër të të gjitha shkencave shoqërore. Vëmendje u kushtohet metodave sasiore, po ashtu edhe cilësore të studimit. Kjo lëndë u dedikohet atyre të cilëve kanë nevojë për zbatimin e hulumtimeve shoqërore, si pjesë e studimeve të tyre akademike.
• [EMBA01] [6 SETK] Menaxhimi i marketingut - niveli i avancuar
  Lënda ka për qëllim t`i përgatisë studentët që t’i aplikojnë dhe t’i zbatojnë strategjitë e marketingut në praktikat e kompanive, menaxhimin me mjedisin e marketingut, tregun dhe segmentimin e tregut, kërkimet e tregut, sjelljet e konsumatorëve, gjeo-marketingun, marketing guerilën, e-marketingun, si dhe menaxhimin me elementet e marketing miksit të një organizate apo kompanie, ashtu që ato do të jenë në gjendje të bëjnë dizajnimin optimal të elementeve të marketing mikst, si ato të produktit, çmimit, promocionit dhe metodave bashkëkohore të shpërndarjes dhe shitjes me të cilat ballafaqohen kompanitë. Si zgjedhje të rëndësishme të problemeve të marketingut dhe kompanive kyçet në analizën e situatave, zbatimin e kujdesshëm të informatave nga hulumtimet si dhe parimet e marketingut. Qëllimi i lëndës është që të kuptohet ndërlikueshmëria e vendimeve të menaxhimit të marketingut, si dhe kufizimet e analizave te tregjeve, blerësve, konkurrencës si dhe integrimit të konceptit me planin origjinal të marketingut.
• [EMBA02] [6 SETK] Marketing hulumtues
  Qëllimi i lëndës është: 1. Fitimi i njohurive dhe aftësive për kryerjen e pavarur të projekteve kërkimore të marketingut; 2. Kuptimi i fazave të ndryshme të procesit të hulumtimit-kërkimit të marketingut; 3. Kuptimi i metodave kualitative të hulumtimit në marketing; 4. Njohja e metodave sasiore të hulumtimit në marketing; 5. Kuptimi i metodave dhe instrumenteve të veçanta hulumtuese të marketingut miks;
• [6 SETK] Lëndë zgjedhore
  • [BE0102] Shërbimet e marketingut të avansuar
    Qëllimet e lëndës janë studentëve t’u ndihmohet të fitojnë njohuri të aspekteve unike dhe sfidat e natyrshme në marketingun dhe menaxhimin e ofrimit të shërbimeve apo ofertave të tjera të paprekshme. Gjithashtu, lënda u mundëson zhvillimin e aftësinë për të menduar në mënyrë kritike dhe strategjike për mundësitë dhe problemet që lindin në industrinë e shërbimit dhe për t’i aplikuar ato koncepte në menaxhimin e marketingut për të formuluar zgjidhje të problemeve. Më pas analizën e procesit të shërbimeve rëndësinë e tij si dhe detektimin dhe gjetjen e faktorëve kritik që ndikojnë në suksesin dhe përmisimin e kualitetit të shërbimeve, nga analizat dhe hulumtimet e ndryshme të tregut. Gjithashtu të kuptojnë rëndësinë që ka klienti në këtë industri, të krijojnë marëdhënie të mira me klientët dhe gjithmonë të tentojnë t’i plotësojnë nevojat-dëshirat dhe kërkesat e klientëve si dhe t’i vlersojnë klientët luajalë.
  • [EMAR0105] Dizajni dhe menaxhimi i produktit
    Qëllimi i lëndës është t’i përgatisë studentët të përdorin dhe t’i menaxhojnë teknikat e metodat për hartimin dhe kontrollin e produkteve dhe të shërbimeve dhe të jenë në gjendje t’i aplikojnë ato në kompanitë e biznesit. Si objektiv i kësaj lënde do të jetë analizimi i: - Kapacitetit prodhues, vetë-përcaktimit të qendrës së prodhimit dhe sistemit të njësive të produkteve dhe të shërbimeve; - Planifikimit agregat të prodhimit dhe orari i tyre; - Monitorimit dhe kontrollit të procesit të prodhimit; - Parashikimit të nevojave; - Menaxhimit të inventarit; - Programit të prodhimit. - Kualitetit të prodhimit; - Menaxhimit të efikasitetit të ndërmarrjes; - Menaxhimit të ekonomisë;
  • [MCMG3022] Menaxhmenti operativ
    Qëllimi i lëndës është që studentët të fitojnë njohuri dhe të jenë në gjendje të: - Përgatisin dhe të marrin vendime për prodhimet dhe shërbimet. - Përgatisin dhe të marrin vendime lidhur me kontrollimin e prodhimeve dhe të shërbimeve. - Gjejnë një qëndrim të përshtatshëm për zgjidhjen e çdo situate lidhur me çështjen komplekse të prodhimit dhe të shërbimeve. - Përgatisin dhe të marrin vendime në mënyrë që të krijojnë kushte për prodhim dhe për shërbime.
  • [EFIN0107] Menaxhimi i sistemeve të informacionit
    Në kuadër të kësaj lënde do të jenë të përfshira tema të fushës së mbledhjes, përpunimit dhe shfrytëzimit të informacioneve nga ana e organizatave. Qëllimi do te jetë i vendosur në vetë rëndësinë e informacionit për menaxhim në organizatat bashkëkohore. Teknologjitë e informacionit do të jenë të përfshira, por megjithatë vetëm në aspektin e rolit të tyre për përpunimin e informacioneve të organizatës, respektivisht në mbështetjen e procesit gjithëpërfshirës në menaxhimin e informacionit. Në këtë kuadër, do t’u kushtohet kujdes aspekteve vijuese: hyrjes në sistemin e informacioneve të menaxhmentit, tipave themelorë në sistemin e informacioneve të menaxhmentit, teknologjisë së informacioneve e sistemit të informacioneve të menaxhmentit dhe ndërtimit të sistemit të informacioneve në organizata.
  • [MCBA1019] Menaxhmenti strategjik i avancuar
    Qëllimi i lëndës është që studentët t’i thellojnë njohuritë e tyre në lëmin e menaxhmentit strategjik përmes analizës së ndodhive konkrete nga ky lë,m në Republikën e Maqedonisë dhe në botë. Në këtë drejtim qëllimi i lëndës është të përpunohen më hollësisht të gjitha temat relevante nga lëmi i menaxhmentit strategjik dhe të plotësohen me raste nga praktika e organizatave afariste.
• [6 SETK] Lëndë zgjedhore
  • [BE0102] Shërbimet e marketingut të avansuar
    Qëllimet e lëndës janë studentëve t’u ndihmohet të fitojnë njohuri të aspekteve unike dhe sfidat e natyrshme në marketingun dhe menaxhimin e ofrimit të shërbimeve apo ofertave të tjera të paprekshme. Gjithashtu, lënda u mundëson zhvillimin e aftësinë për të menduar në mënyrë kritike dhe strategjike për mundësitë dhe problemet që lindin në industrinë e shërbimit dhe për t’i aplikuar ato koncepte në menaxhimin e marketingut për të formuluar zgjidhje të problemeve. Më pas analizën e procesit të shërbimeve rëndësinë e tij si dhe detektimin dhe gjetjen e faktorëve kritik që ndikojnë në suksesin dhe përmisimin e kualitetit të shërbimeve, nga analizat dhe hulumtimet e ndryshme të tregut. Gjithashtu të kuptojnë rëndësinë që ka klienti në këtë industri, të krijojnë marëdhënie të mira me klientët dhe gjithmonë të tentojnë t’i plotësojnë nevojat-dëshirat dhe kërkesat e klientëve si dhe t’i vlersojnë klientët luajalë.
  • [EMAR0105] Dizajni dhe menaxhimi i produktit
    Qëllimi i lëndës është t’i përgatisë studentët të përdorin dhe t’i menaxhojnë teknikat e metodat për hartimin dhe kontrollin e produkteve dhe të shërbimeve dhe të jenë në gjendje t’i aplikojnë ato në kompanitë e biznesit. Si objektiv i kësaj lënde do të jetë analizimi i: - Kapacitetit prodhues, vetë-përcaktimit të qendrës së prodhimit dhe sistemit të njësive të produkteve dhe të shërbimeve; - Planifikimit agregat të prodhimit dhe orari i tyre; - Monitorimit dhe kontrollit të procesit të prodhimit; - Parashikimit të nevojave; - Menaxhimit të inventarit; - Programit të prodhimit. - Kualitetit të prodhimit; - Menaxhimit të efikasitetit të ndërmarrjes; - Menaxhimit të ekonomisë;
  • [MCMG3022] Menaxhmenti operativ
    Qëllimi i lëndës është që studentët të fitojnë njohuri dhe të jenë në gjendje të: - Përgatisin dhe të marrin vendime për prodhimet dhe shërbimet. - Përgatisin dhe të marrin vendime lidhur me kontrollimin e prodhimeve dhe të shërbimeve. - Gjejnë një qëndrim të përshtatshëm për zgjidhjen e çdo situate lidhur me çështjen komplekse të prodhimit dhe të shërbimeve. - Përgatisin dhe të marrin vendime në mënyrë që të krijojnë kushte për prodhim dhe për shërbime.
  • [EFIN0107] Menaxhimi i sistemeve të informacionit
    Në kuadër të kësaj lënde do të jenë të përfshira tema të fushës së mbledhjes, përpunimit dhe shfrytëzimit të informacioneve nga ana e organizatave. Qëllimi do te jetë i vendosur në vetë rëndësinë e informacionit për menaxhim në organizatat bashkëkohore. Teknologjitë e informacionit do të jenë të përfshira, por megjithatë vetëm në aspektin e rolit të tyre për përpunimin e informacioneve të organizatës, respektivisht në mbështetjen e procesit gjithëpërfshirës në menaxhimin e informacionit. Në këtë kuadër, do t’u kushtohet kujdes aspekteve vijuese: hyrjes në sistemin e informacioneve të menaxhmentit, tipave themelorë në sistemin e informacioneve të menaxhmentit, teknologjisë së informacioneve e sistemit të informacioneve të menaxhmentit dhe ndërtimit të sistemit të informacioneve në organizata.
  • [MCBA1019] Menaxhmenti strategjik i avancuar
    Qëllimi i lëndës është që studentët t’i thellojnë njohuritë e tyre në lëmin e menaxhmentit strategjik përmes analizës së ndodhive konkrete nga ky lë,m në Republikën e Maqedonisë dhe në botë. Në këtë drejtim qëllimi i lëndës është të përpunohen më hollësisht të gjitha temat relevante nga lëmi i menaxhmentit strategjik dhe të plotësohen me raste nga praktika e organizatave afariste.

Semestri 2

• [MTMAR2010] [24 SETK] Punimi i magjistraturës
  Pas dhënies së provimeve, studenti mund të fillojë me procedurën e paraqitjes, punimit dhe mbrojtjes publike të temës së magjistraturës. Studenti zgjedh mentorin, me udhëzimin e të cilit e përgatit aplikimin e tezës së magjistraturës. Aplikimi patjetër duhet të lejohet nga Këshilli mësimor-shkencor i fakultetit. Pas punimit të versionit final të tezës së magjistraturës, Këshilli mësimor-shkencor formon komision tre anëtarësh, i cili përgatit raport, me të cilin pranohet ose refuzohet teza e magjistraturës. Raporti pozitiv miratohet nga Këshilli mësimor-shkencor dhe caktohet dita e mbrojtjes publike. Pas kryerjes me sukes të mbrojtjes studenti pajiset me diplomë – Magjistër i shkencave ekonomike / drejtimi: marketing.
• [6 SETK] Lëndë zgjedhore e lirë
  • [MFE01] Retorika
    Retorika, përgjatë historisë së vet prej mbi 2500 vjeçare, retorika shfrytëzohet për shënjimin e shumë gjërave, por sot me retorikë kuptojmë artin e bindjes nëpërmjet të gjuhës. Retorika shënon mënyrën në të cilën një individ ndërlidhet me një ide apo një ide me qëllim ta bindë tjetrin. Retorika karakterizohet me disa tipare kryesore dalluese. E përkufizon qendrën nga e cila, kjo lëmi, zbulohet. Retorika më së pari I përkufizon situatat e caktuara tipike të të folurit.
  • [MFE02] Multilingualizmi dhe multikulturalizmi
    Qëllimi i kësaj lënde është shqyrtimi i shumëgjuhësisë në shoqëritë multikulturore, si fenomen social. Ky fenomen është masiv në mbarë botën. Gjatë ligjëratave në mënyrë më të thuktë do të shqyrtohen termat: monokulturalizëm, shumëkulturalizëm, multikulturalizëm. Do të sqarohet nocioni nacionalizmi linguistik, ku do të theksohet se të paktën ka dy forma të këtij nacionalizmi, ku njëra formë përplaset me tjetrën: për udhëheqësit e vendeve më të fuqishme nacionalizmi ka domethënien e zgjerimit, kurse për pakicat ai merr formën e rezistencës dhe të luftës për afirmimin e identitetit, përballë një presionit të tillë. Vend të shquar në program do të ketë edhe multikulturalizmi në arsim. Në shkollë për multikulturalizmin angazhohen për programe mësimore që përfshijnë përmbajtje që u përkasin kulturave të ndryshme.
  • [MFE03] Kapituj të zgjedhur të avancuar nga aplikacionet e TI për përpilimin e një punimi shkencor
    Qëllimi i kësaj lënde është: T’ua tregojë studentëve elementet teknike, struktura e tekstit dhe dizajni i një punimi shkencor. T’u mundësojë studentëve të fitojnë njohuri më të thelluara dhe shkathtësi nga kapitujt e zgjedhur të aplikacioneve TI që do t’u duhen për përpunimin e punimeve shkencore e profesionale. Zbatimi praktik i këtyre objektivave, gjatë përpunimit të punimit individual shkencor.
  • [MFE04] Kapituj të zgjedhur të avancuar nga aplikacionet për përpunimin statistikor të të dhënave
    Qëllimi i kësaj lënde është: T’u tregohen studentëve elementet teknike nga lëmi i statistikës: organizimi, përpunimi, krahasimi përmes analizave dhe publikimi i të dhënave. T’u mundësojë studentëve të përfitojnë njohuri dhe shkathtësi më të përparuara nga kapitujt e zgjedhur të avancuar të aplikacioneve për përpunimin statistikor të të dhënave. Zbatimi praktik i këtyre objektivave në përpunimin statistikor të të dhënave të marra nga pyetësorët, kontributet, studimet shkencore dhe dokumentet tjera.
  • [MFE05] Komunikimi profesional
    Lënda fokusohet në zhvillimin e atyre shkathtësive të komunikimit që janë thelbësore për funksionimin efektiv në botën profesionale. Studentët do ta mësojnë procesin e analizimit të një shumëllojshmërie situatash të komunikimit dhe t'u japin përgjigje adekuate po atyre. Ndër temat që do të përfshihen janë: komunikimi në organizata, komunikimi ndërpersonal dhe grupor, prezantimet gojore, intervistat për punësim, letrat profesionale të biznesit, si dhe shkathtësitë ndërpersonale, duke përfshirë dinamikën e grupit dhe punën ekipore.
  • [MFE09] Tregu i punës
    Qëllimi kryesor i lëndës "Tregu i punës" është t’i pajisë studentët e studimeve të ciklit të dytë me njohuritë bazë dhe njohuritë e thelluara në fushën e teorisë të tregut të punës, pastaj me mekanizmin e funksionimit të tij në ekonominë e tregut. Lënda "Tregu i punës" ka si mision t’u ofrojë dhe t’u mësojë studentëve kategoritë, ligjet dhe parimet kryesore me të cilat funksionon tregu i punës. Lënda u bën një analizë të hollësishme mënyrës së sjelljes dhe rolit që luajnë agjentët kryesorë të tregut të punës: individëve, firmave dhe qeverisë. Analiza mbështetet në dy kategoritë themelore: të kërkesës për punë dhe të ofertës së punës, të cilat gjejnë aplikim pothuajse në të gjitha temat që trajtohen në këtë lëndë. Njohuritë e përfituara nga studentët në këtë lëndë shërbejnë si bazë teorike themelore e domosdoshme për të kuptuar e përvetësuar teoritë dhe politikat e ndryshme që aplikohen në tregun e punës. Lënda synon që studentët të kuptojnë se si tregjet e punës shpërndajnë dhe përdorin në mënyrë efikase faktorin e rrallë të prodhimit, punën. Leksionet përfshijnë njohuri të koncepteve të kërkesës për punë e të ofertës së punës dhe aplikimit të tyre praktik; sjelljen e individëve në tregun e punës për të maksimizuar dobishmërinë e tyre; sjelljen e firmave në tregun e punës që synojnë maksimizimin e fitimit; rolin e qeverisë në tregun e punës, strukturat e ndryshme të tregjeve të punës: tregu i punës në konkurrencë të plotë, monopoli në tregun e punës, monopsoni në tregun e punës, roli i sindikatave në tregun e punës, monopoli bilateral në tregun e punës. Leksionet dhe diskutimet në klasë mbulojnë materiale të cilat mund të mos jenë në libër dhe disa aspekte të materialeve që përfshihen në librin bazë nuk do të diskutohen në klasë, por i lihen studimit aktiv te studentit. Prandaj studenti, për të garantuar suksesin në përvetësimin sa më të mirë të lëndës, duhet të jetë i pranishëm në leksion dhe seminar duke marrë pjesë në mënyrë aktive në diskutimin e problemeve të ndryshme që lidhen me tregun e punës.
  • [MFE08] Metodologjia e mësimdhënies
    Qëllimi i lëndës është t’i njoftojë studentët me qasjet themelore dhe metodat e mësimdhënies. Pritet që studentët të fitojnë njohuri dhe shkathtësi për përdorim të mjeteve për mësimdhënie aktive. Gjithashtu, lënda ofron qasje ndaj zhvillimit, mësimdhënies dhe të nxënit si koncepte, si dhe ndaj normave themelore të cilat mësimdhënësve do t’u mundësojnë të ligjërojnë mbi zhvillimin e mendimit. Përmes kësaj lënde, studentët do të përfitojnë bazë teorike dhe strategji, me çka do të mund ta zhvillojnë të menduarit e tyre kritik, si dhe të menduarit kritik të studentëve.
  • [MFE10] Filozofia e shkencave shoqërore
    Kjo lëndë përfshin pajisjen e studentëve me informata që do t’u mundësojnë atyre përfitimin e diturive, shkathtësive dhe kompetencave në shkencat shoqërore, përfshirë metodologjinë e punës (sqarim, teoretizim, testim), aplikim të filozofisë (në veçanti individualizmi kundrejt kolektivizmit), natyra e racionalitetit, si dhe historia e teorive dhe koncepteve. Ky modul ofron studim të avancuar të debateve aktuale lidhur me ontodologjinë, metodologjinë dhe synimet e shkencave shoqërore. Lënda do të përqendrohet në çështjet qendrore të shkencave shoqërore: etno-metodologjia, evolucioni, fenomenologjia, recionaliteti, relativizmi, metodat shkencore, interpretime tekstuale. Rezultat e të mësuarit: Pas përfundimit të suksesshëm të lëndës, studentët do të jenë në gjendje: Ta kuptojnë qëllimin e shkencave shoqërore si dhe dallimin në mes të të sqaruarit dhe të kuptuarit të sjelljes njerëzore. T’i sqarojnë qasjet e ndryshme në shpjegimin e shkencave shoqërore në krahasim me shkencat shoqërore, specifikat e të qenit qenie njerëzore dhe fenomenet sociale. T’i kuptojnë strukturat sociale, praktikat, normat institucionet etj. si dhe relacionet në mes individëve dhe strukturave më të gjera shoqërore. Ta sqarojnë mbështetjen jo vetëm në fakte për individët dhe gjendjet e tyre mentale, por gjithashtu edhe rastet në të cilat fenomenet shoqërore nuk mundet të sqarohen përmes sjelljeve individuale.
  • [MFE11] Menaxhimi i projekteve
    Me përfundimin e suksesshëm të lëndës, studentët do të jenë në gjendje: Të planifikojnë aktivitetet e nevojshme për zbatimin e projektit, të identifikojnë ndërvarësitë e tyre, kohëzgjatjen si dhe kostot e tyre; Të përgatisin raportet e nevojshme dhe të kryejnë të gjitha komunikimet e nevojshme ndërmjet projektit dhe klientit, si dhe në mes të anëtarëve të ekipit dhe të aktorëve të tjerë; Të strukturojnë projektin dhe aktivitetet e tij përbërëse; Të përgatisin një Gantt-tabelë dhe një plan të rrjetit për projektin dhe të identifikojnë kohën më të shkurtër të nevojshme për të përfunduar projektin; Të përdorin MS Project si një mjet në procesin e planifikimit, zbatimit dhe rishikimit të projektit; Të përcaktojnë projektin, të identifikojnë lëminë dhe objektivat e tij, si dhe të zhvillojnë specifikat e projektit;
  • [MFE12] Metodat e optimizimit
    Qëllimi i kësaj lënde është që t’i prezantojë teknikat e modelimit dhe të optimizimit me qëlim të aftësimit të studentëve në zhvillimin e modeleve të cilat shfrytëzohen për zgjidhjen e problemeve reale në lëmin e shkencave kompjuterike. Në mes tjerash kjo lëndë ka për qëllim ta analizojë rëndësinë e faktorizimit matricor si një mjet shumë i rëndësishëm që ofron modalitete për optimizimin e zgjidhjes së algoritmeve të ndryshme numerike me interes bazik për zgjidhjen e problemeve të ndryshme nga sfera e shkencave kompjuterike. Nëpërmjet kësaj lënde studentët do të kenë mundësi t’i mësojnë teorinë bazike të optimizimit sdhe metodat për caktimin e optimumit. Do të analizohen metodat e ndryshme të optimizimit sikurse që është simpleks metoda, problemi i dualitetit si dhe sensitiviteti i problemeve të programimit linear. Qëllimi, po ashtu, është analiza e zbatimit kompjuterik të secilit problem të analizuar duke ofruar edhe modelin përkatës për optimizim.
  • [MFE13] Çështjet etike dhe e drejta në teknologjitë e informacionit (TI)
    Qëllimet e lëndës: Të zhvillon kuptueshmërinë për gjendjen reale në relacionet mes kompjuterëve, ndryshimeve të teknologjisë, shoqërisë dhe ligjit; Të vejë në pah rolin e fuqishëm që kompjuterët dhe profesionistët e kompjuterëve kanë në shoqërinë e teknologjisë; Të ofron të kuptuarit e çështjeve legale që janë relevante për lëminë e kompjuterizmit; Të ofron të kuptuarit e koncepteve etike që janë me rendësi për shfrytëzuesit e kompjuterëve dhe profesionistët; Të kontribon në arritjen e eksperiencës së nevojshme në shqyrtimin e çështjeve etike dhe zgjidhjen e dilemave etike.
  • [MFE14] Mbrojta e të drejtave të njeriut
    Qëllimi i kësaj lënde është: të njoftohen studentët me konceptin e të drejtës ndërkombëtare të të drejtave të njeriut, zbatimin e këtyre të drejtave në praktikë, ndikimin e tyre në krijimin e politikave nacionale, të nxiten studentët të mendojnë në mënyrë kritike për raportin mes të drejtës ndërkombëtare dhe asaj nacionale, të vetëdijësohen për ngjarjet aktuale ndërkombëtare, si ndikojnë ato në jetën e përditshme të njerëzve në botë, ti nxisë studentët ta japing kontributin e tyre në sferën e përgatitjes së ligjeve për mbrojetjen e të drejtave të njeriut, me shpresë se ata që sjellin vendime do i marrin parasyshë në procesin e krijimit dhe zbatimit të politikave shtetërore.