Аиво Орав, амбасадор на ЕУ во Македонија оствари средба со ректорот Дика

На состанокот тие дискутираа за можностите за интензивирање на соработката во областа на високото образование и научното истражување .

Ректорот на УЈИЕ, проф. д-р Замир Дика го информираше амбасадорот Орав за најновите развојни процеси и напредокот на Универзитетот и за новините во академската понуда на Универзитетот на ЈИЕ.Ректорот Дика исто така изрази и подготвеност за понатамошна соработка во развојот на високото образование во Република Македонија и во регионов.

На состанокот присуствуваше и директорот на Институтот за научно истражување „Макс ван дер Штул“ на УЈИЕ, проф. д-р Ветон Латифи кој го информираше амбасадорот на ЕУ за активностите и плановите за развој на капацитетите за научно истражување и претстави некои од идеите за можностите за понатамошна соработка.