Францускиот амбасадор го посети Универзитетот на Југоисточна Европа

Амбасадорот Оер оствари средба со ректорот проф. д-р Замир Дика на која тие дискутираа за понатамошната соработка помеѓу универзитетот и француските универзитети, деловниот сектор и француската влада. Ректорот Дика пренесе најдобри впечатоци за досегашната билатерална соработка истакнувајќи ја важноста за унапредување на соработката за размена на студенти со француските универзитети.
Амбасадорот Оер рече дека Франција има многубројни капацитети со кои може да се продлабочи соработката во различни области особено меѓу универзитетите. Таа се заблагодари на менаџментот на универзитетот бидејќи им дава можност на студентите да го учат францускиот јазик.