Промоција на книгата „Во втората деценија ...“ на академик Абдулменаф Беџети

„Чест ми е и задоволство што на нашиов универзитет се промовира уште една книга и уште еден потфат на мојот колега и пријател академик Абдулменаф Беџети“, рече во својот говор ректорот на Универзитетот на ЈИЕ, проф. д-р Замир Дика. За книгата говореа академик Алајдин Абази, проф. д-р Арбен Малај, проф. д-р Стефан Ќирици, деканот на Факултетот за бизнис и економија, проф. д-р Неџби Весели, и претседателот на Албанскиот совет за надворешни односи, Агим Нешо.

Академик Абдулменаф Беџети истакна дека основната идеја е оваа книга да им служи не само на економските експерти, туку и на идните студенти на магистерски и докторски студии, затоа што тука се отвораат многу прашања кои треба да се потврдат.