Ректорот Дика на меѓународна конференција за економија на образованието во Косово

Ректорот на Универзитетот на Југоисточна Европа, проф. д-р Замир Дика на покана на организаторите учествуваше на меѓународна конференција за економија на образованието во Косово: „Придвижи се – Образование за економски развој “, која се одржа на 17-18 септември 2013 год. во Приштина. На конференцијата учествуваа претставници на Владата на Република Косово, Македонија и земјите од регионов, лидери на јавни и приватни образовни институции, граѓанско општество, образовни експерти од различни држави од светот и др.

На оваа дводневна конференција организирана од Министерството за образование и наука на Република Косово во соработка со Германското друштво за меѓународна соработка се презентираа различни погледи за иднината на образованието и одржливиот економски развој. Министерот за образование наука и технологија на Република Косово, Рам Буја рече дека оваа конференција е уникатен настан и е многу важен за образовниот систем на Косово и се организира за прв пат во регионов.

Германскиот амбасадор во Приштина, Питер Блумејер истакна дека квалитетот на образованието е клучот за економскиот развој и раст, а образованието на идните генерации значи инвестирање.