Започна ориентационата недела

„Од вас бараме да бидете добри студенти, ревносни, редовни, заинтересирани, заинтригирани, да прашувате, критички да размислувате и активно да учествувате во наставата.

Ако заедно ги „одиграме“ одговорно улогите, ви гарантирам дека од оваа сала ќе излезат умни лидери, успешни менаџери, најдобри професионалци и, пред сѐ, достојни граѓани на новата Европа базирана на знаење.

И, сево ова збогатено со различни можности на студентскиот живот, организиран во различни клубови од Студентската унија кои заедно го сочинуваат системот кој ќе го промени вашиот живот.

Истовремено, ние ќе бидеме ваши пријатели, ваши колеги, но, исто така, и ваши родители. Ќе бидеме принудени да бараме присуство на настава, но исто така и максимална флексибилност и водство во текот на вашето индивидуално учење “, рече меѓу другото ректорот Дика.

Советникот на ректорот, Демуш Бајрами рече дека студентите во текот на ориентационата недела ќе се запознаат со инфраструктурата на Универзитетот и со академските капацитети по кои нашиов Универзитет е препознатлив како лидер во Западен Балкан. Хедер Хеншоу извршниот советник за квалитет ги информираше студентите со програмата за ориентационата недела со која е предвидена и прошетка во Кампусот и во градот Тетово.

Покрај тоа, студентите ќе се запознаат со главните служби на Универзитетот како што се: Студентски сервис, Службата за ИТ поддршка, Центарот за кариера и администрацијата на одредените факултети каде што ќе студираат.