Explore Campus 360°Договорот од страна на ЈИЕУ го потпиша ректорот академик Алајдин Абази додека од Политехничкиот Универзитет од Тирана ректорот проф. др. Јоргаќ Кацани.
"Целта на договорот е воспоставување на соработка во сферата на високото образование помеѓу ЈИЕУ и Политехничкиот Универзитет од Тирана", рече ректорот на ЈИЕУ, академик Алајдин Абази.
Договорот, исто така има за цел да ја поттикне размената на академскиот кадар и студентите од додипломските и последипломските студии како и научната соработка во областите од взаемен интерес, но и да ја поттикне размената на публикациите и другите материјали од сферата на научните истражувања. Размената на искуствата во развојот на најдобрите наставни методи и техники и организирањето заеднички симпозиуми, работни средби, конференции, истражувачки програми и заеднички проекти се од посебен интерес за двата универзитети.