Универзитетот на Југоисточна Европа на Конференцијата на Берлинскиот процес во Подгорица

Нашиот универзитет го претставуваше проректорот за планирање, истражување и претприемништво, проф. д-р Веланд Рамадани, заедно со ректори, академици и експерти од регионот и Европа.

Конференцијата ја организираа Црногорската академија на науките и уметностите, Универзитетот на Црна Гора и Германската национална академија на науките Леополдина. Дискусиите беа фокусирани на три теми:
· трансформацијата на високото образование пред демографските промени, пазарот на трудот и вештачката интелигенција;
· зајакнувањето на локалните иновациски екосистеми;
· улогата на научното советување во модернизацијата на државата и европската интеграција.

Заклучоците од конференцијата ќе бидат вклучени во Заедничката изјава за Самитот на шефовите на држави и влади од Западен Балкан, кој ќе се одржи во Црна Гора на 22 октомври 2026 година.

Ова учество го потврдува посветувањето на УЈИЕ кон регионалната и меѓународната соработка во образованието, науката и иновациите.

#BerlinProcess #HigherEducation #Innovation #WesternBalkan #SEEU