На УЈИЕ се одржа Саемот за кариера 2026 – мост помеѓу студентите и пазарот на трудот

Саемот го отвори ректорот на УЈИЕ, проф. д-р Садудин Ибраими, кој им посака добредојде на претставниците на компаниите учеснички и ја истакна стратешката важност на овој настан за студентите и за самиот Универзитет.

„Овој саем ја надминува рамката на обичен промотивен настан. Тој претставува важна платформа за комуникација помеѓу Универзитетот и пазарот на трудот, каде што потенцијалот на студентите директно се поврзува со реалните можности за професионален развој. Во годината кога одбележуваме 25 години од основањето на Универзитетот, овој настан добива посебно значење како потврда на нашата континуирана посветеност за градење мостови помеѓу знаењето и практиката“, истакна ректорот Ибраими.

Раководителката на Центарот за кариера, Лумтурије Мемеди Синани, изрази благодарност до сите компании учеснички, нагласувајќи ја нивната континуирана соработка со Универзитетот и нивниот придонес во создавањето можности за студентите.

За време на саемот, студентите имаа можност да проследат презентации од различни компании, да ги посетат нивните штандови, како и да воспостават директни контакти со потенцијалните работодавачи. Посебен сегмент беше информативната сесија за студентите на тема „Cracking the Job Market“, реализирана во соработка со алијансата ChallengeEU, каде како презентери учествуваа претставници од компаниите ЕВН, Кордеа, АСК и М-Хаус, каде што беа споделени практични совети за влез на пазарот на труд.

На крајот од настанот, на сите компании учеснички им беа доделени сертификати за благодарност за нивниот придонес и континуирана поддршка во зајакнувањето на новите генерации професионалци.

Саемот за кариера на УЈИЕ продолжува да биде значајна платформа која ја промовира соработката помеѓу академијата и индустријата, придонесувајќи кон подготовката на студентите за предизвиците на современиот пазар на труд.