Факултетот за здравствени науки при УЈИЕ ги пречека матурантите на Отворениот ден

Посетителите - матуранти заинтересирани за студии од областа на медицината и здравствените науки - имаа можност одблиску да се запознаат со современите капацитети на Факултетот, вклучувајќи ги современите лаборатории, симулацискиот центар за практична обука, како и студиските програми што ги нуди Факултетот.

Учениците ги пречека деканката на Факултетот, доц. д-р Данијела Војтикив Самоиловска, заедно со академскиот кадар и студентите од програмата, кои ги споделија своите искуства и дадоа детални информации за придобивките од студирањето на овој факултет.

Атмосферата беше динамична и интерактивна, со прашања од студентите, демонстрации на медицинската опрема и кратки презентации на студентите за академскиот живот на УЈИЕ.