Факултетот за бизнис и економија ја одржа седмата меѓународна научна конференција за бизнис и економија (ISCBE 2024) во Вила Реал, Португалија

„Конференцијата докажува дека научната соработка и продуктивност ги надминуваат локалните и регионалните граници и овде, заедно со колегите од Универзитетот домаќин, се разговараше за теми кои не вклучуваат сите нас“, рече ректорот на Универзитетот на Југоисточна Европа, акад.проф.д-р Абдулменаф Беџети. Тој им се заблагодари на домаќините за одличното домаќинство и организацијата на оваа важна конференција за бизнис и економија.

Во поздравниот говор, ректорот на Трас-ос-Монтес и Универзитетот Алто Дуро, проф. д-р Емидио Гомес, им се заблагодари на истражувачите и на претставниците на УЈИЕ за учеството, нагласувајќи ја важноста на меѓусебната соработка во областите од заеднички интерес.

Конференцијата ја поздрави и деканот на Факултетот за бизнис и економија, проф. д-р Хирије Абази Халили, која истакна дека интересот за учество на конференцијата е доста голем и даде осврт на 7-та ISCBE конференција и текот на претходните конференции. Таа нагласи дека темата на конференцијата е сеопфатна и нуди можности истражувачите да дадат свои препораки.

На конференцијата се презентираа трудовите во пет сесии, во кои се дискутираше за прашања од современата економија, како што се: одржливост и циркуларна економија, информациски и компјутерски системи, наука за податоци и вештачка интелигенција, претприемништво, иновации и семеен бизнис, менаџмент и маркетинг, економија и финансии.