Сенатот на УЈИЕ го одобри Конкурсот за запишување студенти во новата академската година – новитет пет нови студиски програми

УЈИЕ во оваа академска година се претставува со просперитетна понуда на студиски програми на шесте постоечки факултети во рамките на Универзитетот и во три циклуси на студии со вкупно: 29 студиски програми во првиот циклус (дипломски), 25 студиски програми во вториот циклус (магистерски) и 13 студиски програми од третиот циклус (докторски). Во новата академска година има нови студиски програми и тоа: Политехника, Внатрешен дизајн, Наука за податоци, Образование и Психологија.

Универзитетот продолжува да одржува флексибилност во употребата на јазиците и паралелно се нудат голем број студиски програми на трите официјални јазици: албански, македонски и англиски јазик.

Во рамките на академската понуда, за новата академска година многу атрактивни се и стипендиите, каде што сите матуранти, кои во средно училиште имаат постигнато одличен успех (5,00), добиваат целосна стипендија, која покрива околу 60% од плаќањето за школарина. Матурантите кои постигнале просечен успех од 4,5 до 4,99, добиваат стипендија, која покрива 40% од школарината. За вториот и за третиот студент од истото семејство се нуди финансиско олеснување од 15%, односно 25%.

Уникатна можност на УЈИЕ е програмата „Работи и студирај“, преку која студентите се ангажираат во административните служби на Универзитетот, со конкретен финансиски надомест, кој се одбива од износот за плаќање за школарина.