Институтот „Макс ван дер Штул“ потпиша договор за соработка со еден од Центарите за истражување на МАНУ

Договорот којшто се потпиша на 28 декември има за цел водење на заедничка истражувачка работа, како и аплицирање и учество во заеднички меѓународни проекти.

Истовремено Институтот „Макс ван дер Штул„ се договори со Истражувачкиот Центар за ареална лингвистика „Божидар Видоески“ при МАНУ за размена на научно-наставни работници. Договорот предвидува и размена на научна информација, материјали и публикации коишто се наоѓаат во зоната на интерес на двете установи.

Двата научни центра на УЈИЕ и МАНУ договорија и конкретна програма за реализација на заедничките активности во 2017 година, којашто предвидува организирање на предавања, научна работилница и една меѓународна конференција од областа на мултикултурализмот и јазичниот контакт.