УЈИЕ ги исполни предвидените цели за упис во новата академска 2015/2016 година

Вториот уписен рок за додипломски студии во академската 2015/2016 година е во тек, и ќе трае до 12 септември 2015 година.

Врз основа на изведените анализи менаџментот на Универзитетот смета дека првиот уписен рок е успешен затоа што се исполнија предвидените цели за додипломските студии во академската 2015/2016 година.На некои студиски програми предвидените бројки се надминаа , но во сите случаи се почитуваа барањата наведени во Конкурсот за запишување студенти на Универзитетот.

„Апликациите за студии на УЈИЕ во првиот уписен рок ги исполнија очекувањата, очекуваме овој интерес да продолжи и во вториот уписен рок кој веќе е објавен“ рече ректорот на УЈИЕ проф. д-р Замир Дика.

Универзитетот со задоволство објавува дека повеќето од студиските програми во Тетово и во Скопје се формираат според очекувањата и ќе се отворат групи за студиските програми на албански, на македонски и на англиски јазик во зависност од интересот на студентите.