Во понеделник, 15 декември 2014 година, Универзитетот на Југоисточна Европа во Тетово и Универзитетот на применети науки Зарланд, од Германија потпишаа Меморандум за соработка со цел да се воспостават заеднички студиски програми од взаемен интерес.

Меморандумот го потпишаа ректорите на двата универзитети проф.д-р Замир Дика и проф.д-р Волрад Ромел .

Двата универзитети ќе соработуваат во креирање заедничка програма во рамките на глобалната иницијатива за инженерство во областа на обезбедување квалитет , преку проширување на соработката со стопанството - во овој случај со огранокот на познатата компанија Apave SEE.

Ректорот Дика напомена дека оваа соработка е во рамките на Стратегијата на УЈИЕ за Интернационализација со цел да се разменат искуства во менаџирање меѓународни заеднички програми.