Explore Campus 360°
Проектот за одржлива енергија НОРМАК е фокусиран на три столба: ресурси за обновлива енергија, енергетска ефикасност и паметни мрежи, сите под еден заеднички назив Обновлива енергија во согласност со извештаите за истражување и развој на енергијата.
НОРМАК - Обновлива енергија ќе ги подигне институционалните капацитети и ќе го зајакне системот за истражување и развој на енергијата во Македонија, Албанија и во Косово преку високото образование/ наставниот процес, know-how технологиите за истражување и за развој и трансферот на технологијата од Норвешка.
Трите земји ги споделуваат главните предизвици за енергија како што се енергетски недостиг, проблеми со загревање, слабо регулиран пазар, ниска енергетска ефикасност и недоволно развиени човечки ресурси. Дополнително многу ниските јавни и приватни инвестиции во истражувањето и развојот споредени со бруто домашниот производ ги комплицираат напорите за користење алтернативни извори на енергија.
Акумулираните норвешки know-how технологии и наставните методологии ќе се пренесат на универзитетите во Македонија, Албанија и Косово (МАК) преку една магистерска програма и два нови предмети на додипломски студии (енергија и животна средина и ИКТ за обновлива енергија ) кои ќе се споделат меѓу трите универзитети. Ќе се поддржи и регионалната мобилност на студентите преку понуда на 1 семестар од новата магистерска студиска програма на Универзитетот Јовик, комбинирана со практично истражување и развој во неколку норвешки универзитети и компании- партнери. На крајот ќе се направи посредништво помеѓу регионалните и норвешките универзитети и индустриските партнери, проследено со активности за трансфер на технологија и комерцијална соработка со 3 локални и 1 регионален проект за истражување и развој .
Целта на проектот е да придонесе за економски раст преку развивање институции и структури во ВО институции кои ќе бидат во можност да се справуваат со промените потребни за зајакнување на секторот за одржлива енергија преку зајакнување на ВО студиски програми, истражување и развој, know-how и пренос на технологиите од Универзитетот Јовик на трите универзитети во МАК и директна B2B соработка помеѓу Норвешка и целните земји.