Универзитетот на ЈИЕ го освои купот во Македонија за футсал – голема победа

Во недела(25.05.2014), на крајниот натпревар, тимот на УЈИЕ воден од тренерот Африм Јонузи го победи тимот Црна Река од Кавадарци со конечен резултат 5-3.Головите за Универзитетот на ЈИЕ ги постигнаа: Сами Рамадани, Садам Саити, Исмет Цека и Албин Алија(два гола).
Универзитетот на ЈИЕ играше многу добро од почетокот до крајот и во еден момент , резултатот беше3-0 за УЈИЕ.

„Оваа година ние ја славиме 10 годишнината од клубот и во пресрет на овој јубилеј ние сме вице-шампиони на Македонската лига и со освојувањето на Македонскиот куп ние постигнавме голем успех.Би сакал да се заблагодарам на фановите кои не поддржуваат и дојдоа во Кочани и исто така би сакал да се заблагодарам на ректорот, Замир Дика, чие присуство беше голем поттик за играчите. Играчите едноставно „летаа“ на теренот и со целосна заслуга , победата е наша “ рече Јонузи.
На ректорот на Универзитетот на ЈИЕ проф.д-р Замир Дика му беше врачен мѐдал и во таа пригода тој рече: „ По успесите во образованието и науката нашиот Универзитет бележи успех и во спортот. Ова е голема победа за нас“.

Фудбалскиот играч Исмет Цека додаде: „ Јас го посветувам мојот гол на сите студенти од Универзитетот на ЈИЕ“.

Ова беше трето учество на тимот на Универзитетот на ЈИЕ на финалниот куп и прва победа.