Explore Campus 360°
Врз основа на Одлуката на Сенатот, Универзитетот на Југоисточна Европа во петок (28 март 2014 год.) го објави Конкурсот за запишување студенти во академската 2014/2015 година. Ректорот на УЈИЕ, проф. д-р Замир Дика на конференцијата за печат рече дека Конкурсот е интегриран и ги содржи трите циклуси на студии – додипломски, магистерски и докторски студии.
„Оваа академска година ние ќе понудиме 17 програми на додипломски студии, 34 програми намагистерски студии според моделот 3 плус 2 или 4 плус 1. Ние сме единствените во регионов кои нудиме он-лајн програми за четири студиски програми во првиот и во вториот циклус на студии. Исто така, оваа година ние ќе продолжиме со понудата на докторски студии преку докторската школа со понуда од 9 акредитирани студиски програми за третиот циклус на студии“, рече ректорот Дика.
Во новата академска година во УЈИЕ се очекува приближно да се запишат 1300 студенти , бројка одредена во согласност со меѓународните стандарди според соодносот студенти и академски кадар.
„Конкурсот ќе се реализира преку петте факултети на УЈИЕ : Факултет за бизнис и економија, Факултет за современи науки и технологии , Факултет за јавна администрација и политички науки, Правен факултет и Факултет за јазици, култури и комуникација “ рече ректорот Дика.