Ректорот на УЈИЕ оствари средба со претставници од компанијата Џонсон Контролс

Во вторник (21^ви мај 2013), ректорот на Универзитетот на Југоисточна Европа - Тетово, проф. д-р Замир Дика оствари средба со менаџерот на компанијата Џонсон Контролс г. Макрем Гриби. На состанокот присуствуваа и проректорот за развој и претприемништво, проф. д-р Мирољуб Шукаров, деканот на факултетот за современи науки и технологии проф. д-р Бетим Чичо и директорот на технолошкиот парк доц. д-р Азир Алиу. Во текот на состанокот тие разговараа за можностите за соработка универзитет-индустрија, особено во развојот на конкретни проекти и програми за развој на практични/професионални студии.