Архитектот Гзим Пачаризи одржа предавање за студентите на УЈИЕ

Во текот на презентацијата, Пачаризи ги сподели своите богати искуства од проектите реализирани во Швајцарија, во Албанија и во Косово, нагласувајќи ја важноста на културниот контекст и на локалниот идентитет во развојот на архитектонската идеја. Тој нагласи дека архитектурата е повеќе од само градба: таа е начин на раскажување приказни и создавање простори кои го подобруваат животот на луѓето.

На крајот од предавањето, студентите имаа можност да поставуваат прашања и да разговараат со архитектот, поткренувајќи теми како што се предизвиците на современата архитектура, влијанието на технологијата врз процесот на дизајнирање и балансот помеѓу естетиката и функционалноста. Отворениот дијалог го докажа интересот и посветеноста на студентите подетално да го истражуваат светот на архитектурата.

Деканот на Техничкиот факултет, проф. Ракиб Амдиу му врачи плакета и монографија на архитектот Пачаризи во знак на благодарност за предавањето одржано за студентите.

Оваа активност означува уште еден важен момент во академскиот календар на Универзитетот, зајакнување на врските меѓу студентите и истакнатите меѓународни експерти.