Институтот „Макс ван дер Штул“ го доби проектот на Хоризонт 2020 за платежни системи со технологијата Блокчејн

На овој многу конкурентен повик беа поднесени 34 предлози од водечки универзитети во ЕУ и индустриски мали и средни претпријатија. Горди сме што комисијата за евалуација и избор го додели предлогот за финансирање на Институтот МВДШ заедно со три други предлози (https://www.fed4fire.eu/news/discover-the-9th-open-call-winners/).

Темата на проектот се однесува на проблемот на платежните системи, користејќи блокчејн технологија како посредник (како замена за банките). Всушност, предложениот систем (и кој е имплементиран), сега треба да се тестира на вистински (безжични) уреди во Антверпен, Белгија и Даблин, Ирска.

Целта на Институтот „Макс ван дер Штул“ е да изгради капацитети со ангажирање на етаблирани истражувачи со меѓународно искуство и ангажирање на што е можно повеќе студенти во проекти, особено на магистерски и на докторски студии.

Имплементацијата на проектот започнува во ноември 2021 година оваа година и ќе заврши во јули 2022 година.