Универзитетот на Југоисточна Европа и Универзитетот во Љубљана потпишаа договор за партнерство за Заедничка магистерска програма

Со овој Договор на студентите на магистерски студии им се овозможува да се здобијат со двојна диплома.

Договорот за партнерство го потпишаа ректорот проф. д-р Замир Дика и ректорот на Универзитетот во Љубљана, проф. д-р Иван Светлик.

„Највисокото ниво на соработка помеѓу две високообразовни институции е да подготват заеднички студиски програми и таков е случајот со договорот помеѓу нашиот универзитет и Универзитетот во Љубљана,“ истакна ректорот Дика.

Ректорот Дика забележа дека Универзитетот во Љубљана е меѓу најдобрите 500 универзитети на светско ниво и со овој договор се предвидува и продлабочување на партнерството и соработката со овој универзитет и во други области.

Ректорот на Универзитетот во Љубљана, проф.д-р Иван Светлик изразија задоволство од посетата на УЈИЕ кој е универзитет со висок квалитет.

„ Со потпишувањето на овој договор ние даваме мал придонес не само на зајакнување на стандардите во високото образование туку и на билатералните односи помеѓу Македонија и Словенија,“рече ректорот Светлик.