Avokati/ja Studentor/e - profili

Avokati/ja Studentor/e

Qëllimi

Avokati/ja Studentor/e kontribuon në ruajtjen e standardeve më të larta të jetës akademike dhe jep mbështetje efektive për studentët në shqyrtimin e pavarur dhe të paanshëm të ankesave të tyre, të cilat nuk janë zgjidhur nga departamenti apo fakulteti përkatës. Këtu, gjithashtu përfshihet puna dhe sjellja e personelit të kompanisë “Uni.com” (menaxhon me konviktet), për shërbimet që i ofron për studentët.

Qasja

Avokati/ja Studentor/e është i / e pavarur, i/e paanshme, konfidencial/e dhe i/e ndershëm/e. Ai/ajo nuk përfaqëson studentët, universitetin në ndonjë organizatë ose grup të brendshëm apo të jashtëm dhe nuk mund të zgjidhet si përfaqësues në ndonjë organ të universitetit. Ai/ajo nuk veprojnë për çfarëdo individi. Ai/ajo punon për administrimin e drejtë dhe të barabartë të proceseve, si dhe standardet e pritshme të sjelljes profesionale dhe shërbimit. Përdorimi i shërbimeve të Avokatit Studentor nga studentët është në baza vullnetare dhe nuk është një hap i detyrueshëm në ndonjë procedurë apo proces.

Avokati/ja Studentor/e nuk mund të hetojë ndonjë çështje në të cilën ka konflikt interesi, ose që komprometon neutralitetin e pozitës. Në këtë rast, ai/ajo kërkon mbështetje nga Sekretari i përgjithshëm dhe/ose kryetari i Parlamentit dhe Asociacionit Studentor.

Autorizimet

Avokati/ja Studentor/e mund të këshillohet me stafin dhe studentët tjerë, të inspektojë dokumentet dhe të marrë këshilla të pavarura ligjore, siç kërkohet.

Pas hetimit formal, ai/ajo mund të bëjë rekomandime për zgjidhjen e ankesave tek Provosti (për çështjet akademike), Sekretari i përgjithshëm (për çështjet administrative apo të përgjithshme), ose kryetari i Parlamentit dhe Asociacionit Studentor. Për shkeljet shumë të rënda, mund të zgjedh që të raportoj çështjet drejtpërdrejti tek Rektori ose Kryetari i Bordit.

Avokati/ja Studentor/e gjithashtu mund të bëjë rekomandime për ndryshime në praktikat e universitetit për të parandaluar paraqitjen e sërishme e ankesave dhe pakënaqësive të ngjashme.

Megjithatë, Avokati/ja Studentor/e nuk mund të detyrojë universitetin apo ndonjë departament, fakultet ose njësi të Universitetit për të ndryshuar një vendim ose të miratojë një rekomandim.

Avokati/ja Studentor/e, çdo vit i raporton Bordit të Universitetit dhe Parlamentit dhe Asociacionit Studentor për llojet e ankesave dhe pakënaqësive të studentëve , për funksionimin e përgjithshëm të procedurave të ankesave ose procedurave të tjera përkatëse dhe proceset. Ai/ajo mund të thirret të marrë pjesë personalisht për të prezantuar të zbulimet e mundshme.

Përgjegjësitë

Avokati/ja Studentor/e do të:

përgatit informata të rregullta në lidhje me rolin e tij/saj për të vetëdijesuar studentët dhe stafin për këtë pozitë, rolin dhe vlerat e saj, në bashkëpunim me departamentet përkatëse;
ketë informacion aktual në lidhje me politikat dhe procedurat e Universitetit në mënyrë që të këshillojë studentët për të drejtat dhe përgjegjësitë e tyre në lidhje me këto procese;
pranojë dhe regjistrojë pakënaqësitë, ankesat apo çështjet e paraqitura nga një student ose grup studentësh në mënyrë objektive dhe konfidenciale;
konfirmojë dhe konstatojë se studenti ose grupi i studentëve kanë marrë të gjitha hapat e nevojshëm për të zgjidhur çështjen në kuadër të fakultetit ose njësisë;
të bëjë hetime në mënyrë joformale për të vendosur nëse hetimi është i nevojshëm;
në mënyrë aktive të lehtësoj diskutimet joformale për të identifikuar mundësitë më të mira për të zgjidhur problemin dhe konstatojë kur çështjet janë përfunduar dhe se si;
të mbështesë funksionimin e procedurës për ankesa të studentëve, në bashkëpunim me Zyrën e Cilësisë;
në mënyrë të pavarur do të hetojë ankesën nëse ose realizojë veprime të mëtejshme të nevojshme dhe të bëjë rekomandime për zgjidhjen e ankesave tek Provosti (për çështjet akademike), Sekretar i përgjithshëm (për çështjet administrative apo të përgjithshme) ose kryetari i Parlamentit dhe Asociacionit Studentor;
informojë rregullisht studentin ose grupin e studentëve për ecurinë e ndonjë çështje;
përgatit raport të përgjithshëm vjetor për punën e tij/saj;
marr pjesë në trajnim që është relevantë për pozitën dhe të kontribuoj me këshilla të përgjithshme dhe ide në lidhje me politikat dhe proceset e lidhura siç kërkohet ;
të kryejë punën në përputhje me të gjitha kërkesat ligjore, Statutin e Universitetit, politikat, procedurat dhe udhëzimet dhe të ndjekë misionin e Universitetit për përsosmërisë dhe barazi

Shkathtësitë e nevojshme

Aftësi për të komunikuar në dy gjuhët lokale që përdoren në nivel të universitetit (shqip dhe maqedonisht); gjuha angleze gjithashtu është e dëshiruar
Shkathtësitë kompjuterike relevante për komunikim dhe arkivim
Aftësi për të negociuar pozitivisht si me studentët dhe stafin
Zgjidhje të problemit dhe iniciativë
Aftësi për të punuar në mënyrë të pavarur
Përpilim të raportit dhe shkathtësi bazike për analizë të të dhënave

Mbështetja

Avokati/ja Studentor/e mund të merr/pranojë mbështetje dhe këshilla nga Shërbimi juridik dhe prokurimi, Zyra për sigurimin e cilësisë, Zyra e burimeve njerëzore, dekanatet, shërbimi studentor dhe departamentet tjera ashtu siç nevojitet.

Formularët:

Formulari studentor për kërkesa – Avokati/ja Studentor/e
Formulari për të dhëna i Avokati/ja Studentor/e

Procedurat:

Procedurë për ankesa
Rregulloret akademike ashtu siç janë publikuar
Rregulloret administrative ashtu siç janë publikuar
Rregullorja për Parlamentin dhe Asociacionin Studentor
Procedurat e Uni.com si p.sh. Procedura për vendosje në konvikte