Doli nga shtypi libri “Ekonomia e ndërmarrjes” i Prof. dr. Nexhbi Veseli

Libri në fjalë u dedikohet studentëve të Fakultetit Ekonomik, Administrimit të Biznesit dhe të tjerëve që kanë interesim për t’u njohur nga afër me ndërmarrjet. Autori i  librit, duke u bazuar në praktikat dhe kërkesat bashkëkohore të ekonomisë së tregut, nuk harron të nënvizojë faktin se “ekonomia e ndërmarrjes ka një lidhshmëri të ngushtë me një sërë disiplinash makroekonomike dhe se rëndësia e saj në problematikën ekonomike është e madhe për të gjitha ndërmarrjet dhe hapë rrugë të reja mikroekonomike, që me sukses ta realizojë këtë detyrë të madhe e të rëndësishme”.  Gjithashtu, vlen të theksohet se me ndihmën e këtij libri, studentët do të përfitojnë njohuri më të thella, jo vetëm rreth problematikës së materies që do të përpunohet, por edhe në disiplinat tjera ekonomike.