QS Rankings Europe 2025: UEJL universiteti më i mirë në rajon nga universitetet shqiptare dhe i dyti në Maqedoninë e Veriut

Këtë e ka konfirmuar Instituti “Quacquarelli Symonds”- QS, i cili sot (10 korrik 2024), ka bërë publike listën e plotë të renditjes së universiteteve evropiane për vitin 2025, ndërsa nga Maqedonia e Veriut në këtë listë kanë arritur të renditen vetëm katër universitete.

Janë 684 institucione të arsimit sipëror që janë ranguar dhe universitet nga Maqedonia e Veriut gjinden në pozicionet nga 440-600 na nivel të gjithë kontinentit të Evropës.

Në rangimin rajonal të Universiteteve, ku në rajonin e universiteteve më të mira të Evropës Jugore, UEJL është renditur në vendin e 126, së bashku me Universitetin e Shtipit “Goce Dellçev”, Universiteti i Manastirit është renditur në vendin 137 dhe në vendin e 100 është Universiteti “Shën Kirili dhe Metodi”.

Bazuar në këtë rangim, Universiteti i Evropës Juglindore është renditur i pari në mesin e universiteteve me mësim në gjuhën shqipe në rajon, ku pas UEJL-së, rreth 20 vende më poshtë është renditur Universiteti i Tiranës.

Gjatë rangimit të universiteteve janë marrë për bazë nëntë kritere, edhe atë: reputacioni akademik, reputacioni nga punëdhënësit , proporcioni i staf/studentë, numri i publikimeve shkencore, numri i stafit ndërkombëtar të përfshirë në mësimdhënie, numri i studentëve ndërkombëtarë, rrjeti ndërkombëtar i hulumtimeve, ueb impakti dhe prania institucionale në internet dhe citimet e punimeve shkencore të stafit nga hulumtues të tjerë anembanë botës.

Universiteti i Evropës Juglindore ka pozitë të shkëlqyeshme gati në të gjitha rangimet e universiteve, si në nivel kontinental, rajonal, ashtu edhe në nivel shtetëror.

Linku i rangimit: https://www.topuniversities.com/europe-university-rankings-southern-europe