Rektori Dika takoi delegacionin parlamentar nga Shqipëria

“Në këtë mjedis të lëkundur dhe të vështirë ekonomik rajonal, mbase edhe në sferën e arsimit të lartë, ne po vazhdojmë me këmbëngulje të promovojmë vlerën e vërtetë të arsimit të lartë, duke ruajtur krahasueshmëritë me nivelet akademike, hulumtuese dhe standardet e shërbimit me ato të universiteteve evropiane dhe amerikane. Që nga themelimi, me ndihmën e themeluesve tanë – SHBA-ve dhe BE-së, vazhdojmë me ritëm të lartë të kultivojmë karakterin ndërkombëtar të universitetit dhe praktikat më të mira në këtë fushë, duke ndjekur rekomandimet dhe kërkesat e tregut dhe shoqërisë, nëpërmjet dizajnimit të programeve studimore për rajonin e vitit 2016, për të diplomuarit që do të akumulojnë dije, shkathtësi dhe kompetenca për t’u ballafaquar me një treg të integruar dhe të një konkurrence në rritje. Iniciativat për sigurimin e cilësisë dhe instrumentet për matjen e të njëjtës janë në një proces të vazhdueshëm të përmirësimit, për të përshtatur teknologjitë e mësimit, të të nxënit dhe formimin e shkathtësive sipas këtyre premisave. Kampusin universitar jemi duke e zhvilluar në drejtim të një qëllimi afatgjatë – atij të shndërrimit në eko-kampusin e parë në rajonin e Evropës Juglindore”, tha ndërmjet tjerash rektori i Universitetit të Evropës Juglindore, Prof. Dr. Zamir Dika.

Deputetët shqiptarë theksuan mbështetjen e tyre institucionale për thellimin e bashkëpunimit me UEJL-në dhe universiteteve, si dhe institucioneve të arsimit në Republikën e Shqipërisë.