COVID-19 Information

Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!

EJL nënshkroi marrëveshje bashkëpunimi me Universitetin Ozjegyn nga Stambolli

Universiteti i Evropës Juglindore në Tetovë dhe Universiteti Ozjegyn (Özyeğin Üniversitesi) nga Stambolli i Turqisë, nënshkruan të hënën (6 prill 2009) në UEJL marrëveshje bashkëpunimi.

Marrëveshja u nënshkrua nga rektori i UEJL, akademik Alajdin Abazi dhe rektori i Universitetit Ozjegyn, prof. dr. Erhan Erkut

“Universiteti Ozjegyn është universitet me orientim pro evropian e posaçërisht me orientim pro-amerikan. Shumë i ngjashëm me universitetin tonë. Ne nënshkruam marrëveshje për bashkëpunim dypalësh në shumë fusha, e posaçërisht në fushën e këmbimit të stafit akademik dhe studentëve”, tha rektori i UEJL, akademik Alajdin Abazi.

Ne jemi të gatshëm të presim edhe kuadrin anglishtfolës, pasi UEJL synon që të hap edhe drejtime të tjera studimore, të cilët do të ofrohen vetëm në gjuhën angleze, tha rektori Abazi

“Jemi të entuziazmuar me vizitën e UEJL, me kampusin dhe infrastrukturën impozante”, tha rektori i Universitetit Ozjegyn prof. dr. Erhan Erkut.

Universiteti i Ozjegyn dhe UEJL janë shumë të ngjashëm me njëri tjetrin si në aspektin e themelimit (ne funksionojmë që nga viti 2007), ashtu edhe në statusin si universitete private jofitimprurëse, tha rektori Erkut. Të dy universitetet janë pionier në zhvillimin e teknologjive të informatikës. Synojnë të jenë lider në rajon në arsimin sipëror.

Presim që nga marrëveshja të kemi më tepër këmbime të studentëve nga UEJL në Stamboll dhe anasjelltas. Jemi të hapur edhe për zhvillimin e programeve të përbashkëta dhe dhënien e diplomave të dyfishta.

Google+