U ndanë certifikata për ndërmarrësi dhe zhvillim ekonomik lokal për 22 administratorë nga Komuna e Tetovës dhe Gostivarit

Në kuadër të këtij programi ata fituan nga 30 kredi (ECTS), të cilët mund t’i transferojnë nëse vendosin ta vazhdojnë arsimimin e tyre në studime pasdiplomike.

Certifikatat u ndanë të martën (19.02.2013), në Universitetin e Evropës Juglindore nga prorektori për çështje akademike Prof. Dr. Endrju Godspid dhe dekani i Fakultetit të Biznesit dhe Ekonomisë Prof. Dr. Nexhbi Veseli.

Qëllimi i këtij projekti është t’i zhvillojë kapacitetet profesionale të institucioneve komunale, të cilat janë të kyçura në zhvillimin e ekonomisë lokale nëpërmjet sigurimit të dijeve dhe shkathtësive adekuate, si dhe përvojës ndërkombëtare.

Programi për trajnim Ndërmarrësi dhe zhvillimi ekonomik lokal është përkrahur nga Komisioni Evropian nëpërmjet Tempus Projektit Rajonal.